اهم حالات تجيلك الصيدليه

اهم حالات الطوارئ اللي ممكن تجيلك الصيدليه

من اهم حالات الطوارئ اللي ممكن تجيلك الصيدليه  عايزك تصحصح بقي معايا وتركز لأنها بتتكرر كتييير :

الحاله : المريض جايلك وفيه اتنين ساندينه ومش قادر يتحرك وماسك بطنه من شده المغص 

ازاي بقي تتعامل مع الحاله  بص معايا 

اول حاجه لازم تعملها لو المريض واحده ست هتسألها إذا كان عندها بيريود ولا لا

لأنها لو عندها بيريود هتبقي دي الام البيريود هتديها حقنتين علي بعض visceralgine+Ketolac هيسكنوا الألم بتاعها

طيب لو كان راجل او لو ست بس مفيش بيريود ؟؟؟

عندنا المغص ممكن يكون اربع أنواع 

1-مغص الذايده وده بتعرفوا بسهوله لانه بيتغير بتغير وضع المريض او لو قربت إيدك ولمست بطنه بتلاقي الألم ذاد يبقي ده يتحول لمستشفى فورا

2-مغص البطن العادي وده بيكون في نص البطن نتيجه التقلصات وغالبا بيكون مصحوب بترجيع ده بتديله spasmofen+ranitidine+primperan امبولات بتنجز معاه وبتجيب نتيجه سريعه

3-الم الحصوات بيكون الألم في جنب واحد بس ومسمع في الخصيه او pennis بتعرفه ازاي ؟ انك بتسأل المريض عن الhistory بتاعه غالبا بتلاقيه عنده أملاح وبتكون كميه البول قليله ودا بتديله حقنه مسكنه ketolac وبتحوله لطبيب عشان يعمله تحاليل ويكتبله فوار مناسب لنوع الاملاح او الحصوات اللي عنده

4- مغص نتيجه عدوي المجاري البوليه urinary tract inf

ودا بيكون الم زي ألم الحصوات بس مصحوب بسخونيه عشان البكتريا

كل علاجه مسكن للالم ومضاد حيوي مناسب للمجاري البوليه

Uvamine retard

Ciprofloxacin

وطبعا الأفضل نعمل تحليل مزرعه ونحدد نوع المضاد الحيوي المناسب

فيه بقي نوع خامس من الألم

ساعات الانزلاق الغضروفي بيعمل الم في منطقه الضهر ومكان الكلي ودا بتتأكد منه انك بتسأل المريض تشوف عنده تنميل او خدلان او الألم بيسمع في الرجل

اخيرا بتنصح المريض بشرب كميات ميه كبيره وخصوصا في حاله الحصوات.